إزاي تبعت موقعك للونش على واتساب في 10 ثواني

أكبر حاجة بتأخر الونش إن السواق ميعرفش مكانك بالظبط. الطريق الصحراوي كله شبه بعضه، و"قبل الاستراحة بشوية" ممكن تعني 10 كيلو. الحل: ابعت اللوكيشن.

على أندرويد

1. افتح محادثة ونش المؤمن على واتساب.
2. اضغط علامة المشبك 📎.
3. اختار "الموقع".
4. اضغط "إرسال موقعك الحالي".

على آيفون

1. افتح المحادثة.
2. اضغط علامة +.
3. اختار "الموقع".
4. اضغط "إرسال موقعي الحالي".

الموقع المباشر

لو هتتحرك من مكانك، أو مش متأكد إن الموقع دقيق، اختار "مشاركة الموقع المباشر" لمدة ساعة. ساعتها السواق بيشوفك على الخريطة لحد ما يوصل.

لو اللوكيشن مش راضي يشتغل

• شغّل الـ GPS أو "الموقع" من الإعدادات.
• استنى ثواني لحد ما الدقة تتحسن.
• لو مفيش إنترنت، اتصل وقول رقم الكيلو أو أقرب علامة.